09 июл 16:20
Янгиликлар

Хоккей

"Тампа" - қаторасига иккинчи йил Стэнли Кубоги соҳиби!

Миллий Хоккей лигасининг финал плей-офф сериясидан ўрин олган бешинчи учрашувдан сўнг Стэнли Кубогининг бу йилги соҳиби аниқланди.

Унда "Тамба Бей" хоккей клуби Канаданинг "Монреаль" жамоасини умумий серияда 4-1 ҳисобида мағлубиятга учратиб, қаторасига иккинчи йил ҳам Стэнли Кубогини қўлга киритди. Бешинчи баҳсда "Тампа" 1:0 ҳисобида зафар қучган. Ягона шайба 33-дақиқада Росс Колтон ҳисобига ёзилди.

Ўтган йили "Тампа" финал сериясида "Даллас" жамоасини умумий 4-2 ҳисобида таслим этганди. "Тампа" ўз тарихида учинчи бор (2004, 2020, 2021) ушбу соврин соҳибига айланди. 2015 йилда жамоа "Чикаго"га ютқазиб (2-4) қўйганди.