28 фев 12:05
Янгиликлар

Шахмат

Тарихда илк бор ўзбек шахматчиси дунё рейтингининг ТОП-10'лигига кирди

Шахмат рейтингларини онлайн ҳисоблаб борадиган 2700chess.com сайти янгиланган рейтингини эълон қилди.

Унга кўра ўзбекистонлик Нодирбек Абдусатторов рейтингнинг 10-поғонасидан жой олди. Шу тариқа, ҳамюртимиз ўзбек шаҳмат тарихида янги саҳифани очди янгиланган дунё шахмат рейтинг жадвалида ТОП-10'ликка кирди.

Prague Chess Festival 2024 турнирининг 1-турида Даи Ван Нгуен устидан ғалаба қозонган Нодирбекнинг рейтинги 2753.5 га етди ва 5 карра жаҳон чемпиони Вишванатан Анандни ортда қолдирди.

Бунгача ўзбек шахматидаги энг яхши натижа Рустам Қосимжоновга тегишли бўлиб, у 2715 очко билан жаҳон рейтингида 11-ўринда қайд этилган эди.