Tashkent Grand Slam 2025 аренаси кўздан кечирилди

Аниқоғи, 28 февраль - 2 март кунлари Тошкент шаҳрида "Катта Дубулға" туркумига кирувчи турнир бўлиб ўтади. Уч кун давом этадиган нуфузли мусобақа "Юнусобод" спорт мажмуасида ташкил этилади. 

Халқаро дзюдо федерацияси (IJF) етакчи мутахассиси Абдулла Муродов Ўзбекистон дзюдо федерацияси бош котиби Азиз Собиров, федерация раиси маслаҳатчиси Ксения Гулямова ва бошқа масъуллар бошчилигида "Юнусобод" спорт мажмуасини кўздан кечиришди. Абдулла Муродов дзюдочилар, реферилар, оммавий ахборот воситалари ходимлари, мухлислар учун яратиладиган шароитлар юзасидан ўз тавсияларини берди.       

Эслатиб ўтамиз, бу йилги Tashkent Grand Slam турнири 1-3 март кунлари ўтказилган ва унда дунёнинг 68 давлатидан жами 495 нафар дзюдочи медаллар ҳамда Олимпиада йўлидаги рейтинг очколари учун татамига чиқишганди. Ўзбекистон терма жамоаси 2 та олтин, 1 та кумуш, 3 та бронза медали билан умумжамоа ҳисобида Франция ва Япониядан кейин 3-ўринни эгаллаган эди.