Tashkent Open халқаро турнирида 1-тур ортда қолди ФОТОГАЛЕРЕЯ

Республика ихтисослаштирилган болалар-ўсмирлар шахмат мактаби мезбонлик қилаётган мусобақада юртимиз шахматчиларидан ташқари Россия, Беларусь, Озарбайжон, АҚШ, Эрон, Марказий Осиё мамлакатларидан келган юқори интеллект соҳиблари бош мукофот учун дона суришяпти. 

Тошкент Опен турнири швейцарча тизимда 9 турдан иборат бўлиб, кеча 1-партия учрашувлари ўтказилди. Халқаро мастер Нодирбек Ёқуббоев (2569) илк партияда қора доналарда ҳаракат қилиб, яна бир ҳамюртимиз Нодира Нодиржоновани мағлубиятга учратди.

Шамсиддин Воҳидов оқ доналарда Шохамир Тожибоевдан устун келди. Севара Боймуратова эронлик Амирризо Поуррамезеналига ютқазиб қўйди. Баҳора Абдусатторова халқаро гроссмейстер Василий Папин билан дуранг ўйнади. 

Ҳозиргина халқао мусобақанинг 2-тури бошланди. Турнирнинг 3-партияси эса куннинг иккинчи ярмида, соат 15:30 да бошланади. Мусобақанинг мукофот жамғармаси 20 000 АҚШ долларини ташкил қилади. Асосий гуруҳда биринчи ўринни эгаллаган шахматчи 3 000 долларга эга бўлади. 

Суратлар муаллифи - Алимурод Мамадаминов