10 сен 08:54
Янгиликлар

Хоккей

"Tashkent Select" Қозоғистон кубогидаги иштирокини якунлади

Тошкентнинг "Tashkent Select" ёшлар хоккей клуби Қозоғистон ёшлар кубогида иштирок этди.

Жамоа кубокнинг "А" гуруҳидаги сўнгги ўйинда "Астана" ёшлар клубига қарши музга чиқди.

Муросасиз баҳс остоналикларнинг 6:4 ҳисобидаги ғалабаси билан якунланди. "Tashkent Select" таркибида Михаил Демьянов, Беҳруз Нажмиев ҳамда Руслан Султонов (дубль) шайба муаллифига айланди.

Шу тариқа, тошкентликлар Қозоғистон ёшлар кубогининг "А" гуруҳида 4 та учрашув якунига кўра, 2 очко билан 5 та жамоа орасида 4-ўринни эгаллади. Эндиликда ёш хоккейчиларимиз "Jastar Hokei Ligasy" Мунтазам чемпионатида иштирок этади.