09 сен 09:23
Янгиликлар

Хоккей

"Tashkent Select" Қозоғистон ёшлар кубогидаги илк ғалабасини қўлга киритди

Кеча Қозоғистоннинг Қарағанда шаҳрида ўтказилаётган хоккей бўйича ёшлар ўртасидаги мамлакат кубоги баҳслари давом эттирилди.

Унда Тошкентнинг "Tashkent Select" ёшлар жамоаси Рудний шаҳрининг "Горняк" клубига қарши музга чиқди.

Қувонарлиси, учрашувда ҳамюртларимиз 2:1 ҳисобида зафар қучишди. Бу жамоанинг ёшлар тоифасидаги мусобақаларда қўлга киритган илк ғалабаси бўлди.

"Tashkent Select" клубининг шайбаларига Егор Ковальчук ҳамда Богдан Ганиахметов муаллифлик қилди. Бугун тошкентликлар мусобақанинг сўнгги тури доирасида "Астана"га қарши музга чиқишади.