28 янв 22:42
Янгиликлар

Шахмат

"Tata Steel Chess-2024". Нодирбек Абдусатторов мусобақани учинчи ўринда якунлади

Вейк-ан-Зееда "Tata Steel Chess" мусобақаси ўз якунига етиб борди.

Мусобақада 13 та тур ўйинлари ортда қолди. Абдусатторов сўнгги турда германиялик Александр Донченкони мағлубиятга учратди ва очколари сонини 8,5 тага етказиб олди.

Эътиборлиси, бирйўла 4 нафар шахматчи 8,5 очко тўплади. Бундай вазиятда ғолиб тай-брекда аниқланади. Қўшимча партияларда Нодирбек Абдусатторовдан ташқари Аниш Гири, Гукеш ва Йи Вей ҳам иштирок этди.

Қуръага кўра, Нодирбек Абдусатторов хитойлик Йи Вей билан тўқнаш келди ва 0,5 : 1,5 ҳисобларида имкониятни бой бериб қўйди.

Шу тариқа, Нодирбек Абдусатторов мусобақани 3-ўринда якунлади.

Ўйиндан видеони томоша қилинг: