Tata Steel Chess-2025. Бугун Абдусатторов амалдаги жаҳон чемпионига қарши ўйнайди

Бугун бир кунлик дам олишдан сўнг мусобақада 6-тур учрашувлари ўтказилади. Нуфузли турнирнинг "Мастерс" гуруҳида Нодирбек Абдусатторов, "Челленжер"ида эса Нодирбек Якуббоев совринли ўринлар учун баҳс олиб боряпти. Бешинчи турдан сўнг Абдусатторов 3 ғалаба ва 2 дуранг билан 4 очко жамғарган ҳолда қўшимча кўрсаткичларга кўра пешқадам бўлиб турибди. "Челленжер" гуруҳида қатнашаётган Нодирбек Якуббоев эса 2,5 очко билан 8-поғонани банд этган. 

Бугун 6-турда Нодирбек Абдусатторов (2768) бугунги кундаги асосий рақибларидан бири - амалдаги жаҳон чемпиони, ҳиндистонлик Гукеш Доммараджу (2777) билан оқ доналарда ҳисоб-китоб қилади. Бугунги учрашув олдидан Нодирбек ҳисобида 4, Гукешда 3,5 очко бор. Жаҳон чемпиони қўшимча кўрсаткичларга кўра кучли учликка якун ясаган. Нодирбек Якуббоев (2659) эса бугун 6-турда оқ доналарда германиялик Фредерик Свен (2664)га қарши баҳс олиб боради. 

Ҳамюртларимиз иштирокидаги ҳар икки учрашув бизнинг вақт билан соат 18:00да бошланади.