Tata Steel Chess 2026. Нодирбек Абдусатторов амалдаги чемпионни мағлуб этди, у пешқадамлар сафида

Турнирнинг кучлилар жам бўлган "Мастерс" гуруҳида дунёнинг етакчи 14 нафар гроссмейстери, улар қаторида ҳамюртларимиз Нодирбек Абдусатторов ва Жавоҳир Синдаров ҳам бош соврин учун баҳс олиб боряпти. 

Кеча ўтказилган 2-турда Нодирбек Абдусатторов оқ доналарда Tata Steel Chess турнирининг амалдаги чемпиони, ҳиндистонлик Рамешбабу Праггнанандҳага қарши баҳс олиб борди ва муқаррар дурангни ғалабага айлантирди. Бу Рамешбабунинг иккинчи мағлубияти бўлди. Гроссмейстеримиз бир дуранг ва бир ғалаба - 1,5 очко эвазига турнир жадвалида пешқадамлар сафига кириб олди. Уч нафар шахматчи ҳисобида 1,5 очкодан бор.   

Амалдаги Жаҳон кубоги соҳиби Жавоҳир Синдаров 2-турда дуранг натижа қайд этди. У  қора доналарда нидерландиялик Аниш Гири билан муросага келди. Жавоҳир биринчи турда амалдаги жаҳон чемпиони ҳиндистонлик Гукеш Доммараджу билан ҳам дуранг ўйнаган эди. 

Tata Steel Chess 2026. 2-тур натижалари:

Маттиас Блюбаум (Германия) — Ханс Ниеманн (АҚШ) 0,5-0,5

Аниш Гири (Нидерландия) — Жавоҳир Синдаров (Ўзбекистон) 0,5-0,5

Гукеш Доммаражу (Ҳиндистон) — Йорден ван Форест (Нидерландия) 0,5-0,5

Нодирбек Абдусатторов (Ўзбекистон) — Рамешбабу Прагнанандха (Ҳиндистон) 1-0

Тай Даи Ван Нгуэн (Чехия) — Аржун Эригаиси (Ҳиндистон) 0,5-0,5

Владимир Федосеев (Словения) — Винсент Кеймер (Германия) 1-0

Ягиз Каан Эрдогмуш (Туркия) — Аравиндх Читамбарам (Ҳиндистон) 0,5-0,5

Бугун мусобақада 3-тур учрашувлари ўтказилади ва бизнинг вақт билан соат 18:00да бошланади. Унда Нодирбек Абдусатторов қора доналарда ҳиндистонлик Аравиндҳ Читамбарамга қарши баҳс олиб боради. Жавоҳир Синдаров эса оқ доналарда словениялик Владимир Федосеев билан ҳисоб-китоб қилади.