Tata Steel Chess 2026. Синдаров 1-турда амалдаги жаҳон чемпиони, Абдусатторов 14 ёшли гроссмейстер билан ўйнади

Турнирнинг кучлилар жам бўлган "Мастерс" гуруҳида дунёнинг етакчи 14 нафар гроссмейстери, улар қаторида ҳамюртларимиз Нодирбек Абдусатторов ва Жавоҳир Синдаров ҳам бош соврин учун баҳсларга киришди. 

Кеча ўтказиладиган 1-турда амалдаги Жаҳон кубоги соҳиби Жавоҳир Синдаров амалдаги жаҳон чемпиони ҳиндистонлик Гукеш Доммараджуга қарши оқ доналарда ўйнади. Ўта муросасиз ва узоқ давом этган учрашувда Синдаров муқаррар мағлубиятдан чиқиб кетиб, дуранг натижа қайд этди. Бу ғалабага тенг дуранг бўлди. Нодирбек Абдусатторов эса қора доналарда дунёнинг энг ёш тўртинчи гроссмейстери, туркиялик 14 ёшли Ягиз Каан Эрдогмушга қарши қора доналарда ҳаракат қилди ва у ҳам ёш рақиби билан муросага келди. 

Tata Steel Chess турнирининг амалдаги чемпиони Рамешбабу Прагнанандҳа Ҳиндистон дербисида ватандоши Аржун Эригаисига имкониятни бой берди. Америкалик Ҳанс Ниеманн ва германиялик Винсент Кеймер иштирокларини ғалаба билан бошлашди. Қолган партиялар дуранг натижа билан якунига етди.   

Tata Steel Chess 2026. 1-тур натижалари:

Аравиндх Читамбарам (Ҳиндистон) — Маттиас Блюбаум (Германия) 0,5-0,5

Ханс Ниеманн (АҚШ) — Владимир Федосеев (Словения) 1-0

Винсент Кеймер (Германия) — Аниш Гири (Нидерландия) 1-0

Жавоҳир Синдаров (Ўзбекистон) — Гукеш Доммаражу (Ҳиндистон) 0,5-0,5

Йорден ван Форест (Нидерландия) — Тай Даи Ван Нгуэн (Чехия 0,5-0,5)

Аржун Эригаиси (Ҳиндистон) — Рамешбабу Прагнанандха (Ҳиндистон) 1-0

Ягиз Каан Эрдогмуш (Туркия) — Нодирбек Абдусатторов (Ўзбекистон) 0,5-0,5

Бугун мусобақада 2-тур учрашувлари ўтказилади ва бизнинг вақт билан соат 18:00да бошланади. Унда Нодирбек Абдусатторов оқ доналарда ҳиндистонлик Рамешбабу Праггнанандҳага қарши баҳс олиб боради. Жавоҳир Синдаров эса қора доналарда нидерландиялик Аниш Гирига қарши ўйнайди.