Tata Steel Chess India. Бугун блиц мусобақасида яна 9 та тур ўтказилади

Ўз тарихида олтинчи бор ўтказилаётган нуфузли мусобақанинг мукофот жамғармаси 41 500 АҚШ долларини ташкил этади. Кеча турнирда блиц мусобақасининг дастлабки 9 та тури ўтказилиб, унда Нодирбек Абдусатторов 3 ғалаба, 2 дуранг ва 4 мағлубият билан 4 очко жамғарган ҳолда 6-ўринни эгаллаб турибди. Рапид турнирида катта фарқ билан чемпион бўлган жаҳон рейтинги пешқадами Магнус Карлсен 6,5 очко билан блицда ҳам пешқадамлик қиляпти. 

Бизнинг вақт билан соат 13:30да Tata Steel Chess India турнирининг иккинчи кунги блиц баҳслари старт олади. Бугуннинг ўзида гроссмейстерлар қолган 9 та турда ҳисоб-китоб қилишади. Нодирбек 1-турда FIDE байроғи остида ўйнаётган россиялик Даниил Дубовга қарши баҳс олиб боради. Улар ўртасидаги рапид учрашувида ҳам, кеча ўтказилган илк кунги блицда ҳам дуранг натижа қайд этилганди. Нодирбек Абдусатторов ва Магнус Карлсен ўртасидаги иккинчи блиц партияси ҳам 4-турга тўғри келмоқда ва тахминан соат 14:30да бошланади. 

Нодирбек Абдусатторов иштирокидаги партиялар:

13:30 1-тур: Даниил Дубов (FIDE) - Нодирбек Абдусатторов

13:50 2-тур: Нодирбек Абдусатторов - Аржун Эригаиси (Ҳиндистон)

14:10 3-тур: Видит Гужратҳи (Ҳиндистон) - Нодирбек Абдусатторов

14:30 4-тур: Нодирбек Абдусатторов - Магнус Карлсен (Норвегия)

14:50 5-тур: Рамешбабу Праггнанандҳа (Ҳиндистон) - Нодирбек Абдусатторов

15:10 6-тур: Нодирбек Абдусатторов - Уэсли Со (АҚШ)

15:30 7-тур: Сунил Нараянан (Ҳиндистон) - Нодирбек Абдусатторов

15:50 8-тур: Винcэнт Кеймер (Германия)- Нодирбек Абдусатторов

16:10 9-тур: Нодирбек Абдусатторов - Ниҳал Сарин (Ҳиндистон)