Tata Steel Chess India. Бугун Нодирбек яна 3 та турда дона суради. Абдусатторов - Карлсен партияси қачон ўтказилади?

Ўз тарихида олтинчи бор ўтказилаётган нуфузли мусобақанинг мукофот жамғармаси 41 500 АҚШ долларини ташкил этади. Унда шахматчимиз Нодирбек Абдусатторов (2742) ҳам бош соврин учун баҳс олиб бормоқда ва биринчи кунги 3 та турдан сўнг 2,5 очко билан турнир жадвалида якка пешқадам бўлиб турибди.  

Бугун ҳам худди кечаги кунда бўлгани сингари шахматчилар 3 та турда ўзаро тўқнаш келлишади. Нодирбек 4-турда қора доналарда Ниҳал Сарин (Ҳиндистон, 2679)га қарши баҳс олиб боради. Бешинчи турда оқ доналарда яна бир ҳинд гроссмейстери Видит Сантош Гужратҳи (2661) билан ҳисоб-китоб қилади. Кунни Сунилдат Нараянан (Ҳиндистон, 2579)га қарши қора доналардаги учрашув билан якунлайди. 

Жаҳон чемпиони Магнус Карлсен (2825)га қарши учрашув эртага, 15 ноябрь кунига белгиланган. Абдусатторов - Карлсен партия 9-турда ўтказилиб, рапид баҳсларига якун ясаб беради. Унда Нодирбек оқ доналарда ҳаракат қилади.