22 янв 09:58
Янгиликлар

Шахмат

"Tata Steel Chess". Нодирбек Абдусатторов яна мезбон билан ўйнайди, у ҳозир нечанчи ўринда?

Хабарингиз бор, Нидерландиянинг Вейк-ан-Зее шаҳрида шахматнинг классик йўналиши бўйича 86-халқаро "Tata Steel Chess-2024" мусобақаси қизғин давом этмоқда.

Мусобақада юртдошимиз Нодирбек Абдусатторов ҳам иштирок этмоқда. Ҳамюртимиз кеча 8-тур доирасида россиялик Ян Непонмяшийга қарши ўйин ўтказди ва имкониятни бой бериб қўйди.

Энди 9-тур ўйинлари эртага ўтказилади. Унда Нодирбек мезбон Йорден ван Фореестга қарши ўйнайди.

8 та тур якунига кўра, Нодирбек Абдусатторов 4,5 очко жамғарган ва 4-ўринни эгаллаб турибди.