26 май 18:45
Янгиликлар

Бокс/ММА

Татаристонлик "Гладиатор"нинг UFC'даги навбатдаги жанги эълон қилинди + ПОСТЕР

22 июнь куни Саудия Арабистонининг Ар-Риёд шаҳрида UFC Fight Night мусобақаси бўлиб ўтади.

Турнирдан ўрин олган яна бир жанг омма эътиборига ҳавола этилди.

Маълум қилинишича, мусобақа доирасида ярим ўрта вазн тоифасида Россия вакили Ринат Фахретдинов октагонга кўтарилади. Унга ўша куни америкалик Николас Далби рақиблик қилади.

Мусобақанинг марказий жанги БАА вакили Хамзат Чимаев ва австралиялик Роберт Уиттакер ўртасида кечади.

Эслатиб ўтамиз, Ринат ўтган йилнинг ноябрь ойида ўтказилган UFC Fight Night 231 турнирида бразилиялик Элизеу Залески дос Сантосга қарши октагонга кўтарилганди. Уч раунд тўлиқ давом этган бироз кутилмаганда дуранг натижа билан якунланган эди.

UFC лигасидаги ягона татар миллатига мансуб Фахретдиновда 23 ғалаба, 1 мағлубият ва 1 дуранг бор.