UZ

Сўнгги янгиликлар

10:00Италиялик жаҳон чемпиони Қозоғистонга келди 0 09:39Бугун Туркиядаги "Катта Дубулға"да 7 нафар дзюдочимизга мухлислик қиламиз 0 09:18Карлос Алькарасни Майамидаги "Мастерс"дан чиқариб юборишди 0 08:51Жорж Сен-Пьер фаолиятини якунлаш сабабини айтди 0 08:30Абдуқодир Ҳусанов "Лилль" билан ўйинни ўтказиб юборади 0 08:05Шоҳжаҳон Эргашев рақибини 1-раунддаёқ нокаутга учратди 1 20:46“Great Silk way-2024”. Боксчиларимиз турнирни умумжамоа ҳисобида биринчи ўринда якунлашди 0 19:50Дана Уайт Конор Макгрегорнинг камчилиги ҳақида гапирди 0 19:28Оливейра нима учун Царукян билан жангга рози бўлганини айтди 0 19:06Хавининг дисквалификацияси бўйича апелляция рад этилди 0 18:45Жаҳонгир Нажмиддиновнинг Анвар Азизли билан жанги бўйича берилган апеллация натижаси қандай бўлди? 0 18:23Новак Жокович грунт мавсумга тайёргарликни бошлади 0 18:02Оливейра Царукянга маслаҳат берди 0 17:41Хави «Барселона»да қолиши мумкин, бироқ бош мураббий сифатида эмас 0 17:18Дзюдо. Анталия "Катта Дубулға" турнирига қуръа ташланди, ҳамюртларимизнинг илк рақиблари билан танишинг 0

09 сен 14:50
Янгиликлар

Дзюдо

Таваллуд айём муборак, Ангорнинг “ОЛТИН ЎҒЛОНИ”!

Бугун эришган натижаси билан нафақат дзюдо, балки ўзбек спортида катта обрўга эга бўлиб бораётган терма жамоамиз етакчиси - Шарофиддин Лутфуллаев ўз таваллуд айёмини нишонламоқда.

Шарофиддин полвонлар юрти Сурхондарёда дунёга келган. Ангор туманида туғилган Лутфуллаев 10 ёшидан дзюдо билан шуғуллана бошлаган. Мураббийи Сурхондарё вилоят дзюдо федерацияси раҳбари, шу билан бирга ҳозирда Ўзбекистон дзюдо федерацияси вице-президенти ҳисобланган Бекзод Тўрабоев. Шарофиддиннинг эришган ютуқлари ва бугунги даражасига чиқишида айнан Бекзод Тўрабоевнинг хиссаси ҳамда хизмати катта. 

Ўзи аслида Сурхондарё вилоятини мамлакатимизнинг дзюдо маркази десак ҳам хато бўлмайди. Бу заминдан Пекин Олимпиадасининг кумуш медали совриндори, о­ғир вазн тоифасида мутлақ жаҳон чемпиони, Осиё чемпиони Абдулла Тангриев, терма жамоамизнинг ҳозирги етакчилари - ёшлар ўртасида жаҳон чемпиони Шўрчи туманилик Бекмурод Олтибоев, Қумқўрғон туманидан Ҳикматиллоҳ Тўраев, Лондон Олимпиадаси иштирокчиси, Жаҳон кубоги ғолиби ҳамда бронза медали совриндори, Париж “Катта Дубулға” турнири ғолиби, Бутунжаҳон Универсиада-2013 кумуш медали соҳиби, Денов туманидан Яҳё Имомов сингари машҳур дзюдочилар етишиб чиққан. 

Полвонлар юртида дунёга келган Шарофиддин юқорида номлари тилга олинган дзюдочилар каби катта ютуқларга эришди ва бу жараён давом этмоқда. Дзюдо ватани Японияда ўтган Жаҳон чемпионатида кумуш медални қўлга киритган Лутфуллаев Олимпиада рейтингида биринчи ўринга кўтарилиб олди. Шарофиддиннинг ютуқларидан яна бири 2013 йилда Абу-Даби Гран-присига тўғри келади. Ўшанда ёш дзюдочимиз Лондон-2012 Олимпиадаси чемпиони, Россия терма жамоасига 22 йиллик танаффусдан сўнг илк олтин медални тақдим этган Арсен Галстянни мағлуб эта олган. Арсен Олимпиаданинг ярим финалида ҳамюртимиз Ришод Собиров, финалда эса япониялик Хироаки Хираокадан устун келганди.

Бугунги кунда ўзбек дзюдочилар орасида дунёда энг юқори рейтинг ўрнига эга Шарофиддин Лутфуллаев ва унинг ютуқлари ҳақида узоқ гапириш мумкин. Унинг спортдаги юлдузли онлари ҳали олдинда. Шарофиддиннинг энг катта орзуси бу шубҳасиз, Олимпиада чемпиони бўлиш! Бу орзуни у келаси йили айнан дзюдо ватанида ўтказиладиган Олимпиадада рўёбга чиқармоқчи. 

Фурсатдан фойдаланиб, Ўзбекистон дзюдо федерацияси раҳбарияти, мураббийлар штаби, спортчилар номидан Шарофиддин Лутфуллаевни бугунги унутилмас кун муносабати билан чин қалбдан муборакбод этамиз. Биз ҳам унга бўлажак мусобақаларда омад ва зафар ёр бўлишини тилаймиз. 

Қўлинг ҳамиша баланд бўлсин, Ангорнинг олтин ўғлони ШАРОФИДДИН!


Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг