21 сен 07:56
Янгиликлар

Дзюдо

Таваллуд айём муборак, Шаҳрам Аҳадов!

Бугун дзюдо бўйича Ўзбекистон терма жамоаси аъзоси Шаҳрам Аҳадов ўз таваллуд айёмини нишонламоқда.

-66 кг вазн тоифасида юртимиз шарафини ҳимоя қилиб келаётган дзюдочимиз 1996 йил 21 сентябрь куни дунёга келган. Будапештда ўтказилган Венгрия Гран-присининг бронза медали совриндори бўлган. Рейтингда Токио Олимпиадасига бериладиган йўлланмалар зонасида бормоқда.

Фурсатдан фойдаланиб, Шаҳрам Аҳадовни бугунги шукрона куни билан самимий муборакбод этамиз. Унга сиҳат-саломатлик, оилавий бахт тилаймиз. Татамини ҳамиша бошини тик тутган ҳолда ғалабалар билан тарк этсин. Токио Олимпиадаси йўлланмасини қўлга киритиб, дзюдо ватанида ўтказиладиган тўрт йилликнинг энг нуфузли мусобақасида шохсупага кўтарилиш насиб этсин!