24 мар 14:58
Янгиликлар
Гимнастика
Тахмина Икромова Испаниядаги Гран-прида иккита медалга эга чиқди
22-23 март кунлари Испаниянинг Марбелье шаҳрида бадиий гимнастика бўйича Гран-при сериясидан ўрин олган турнир бўлиб ўтди.
Унда иштирок этган Ўзбекистон терма жамоаси аъзоси Тахмина Икромова якунда икки бор шоҳсупадан жой олди.
Тахмина мусобақанинг яккалик дастуридаги кўпкураш беллашувларида баҳс олиб борди ва 111.650 очко тўплаган ҳолда бронза медалига эга чиқди.
Бу йўналишда украиналик Таисия Онофрийчук (116.100) олтин медални қўлга киритган бўлса, Италия вакиласи София Раффаэли 115.000 балл билан иккинчи бўлди.
Бундан ташқари, 20 ёшли спортчимиз тўп билан машқ дастурида 28.100 очко қўлга киритган ҳолда кумуш медални ўзиники қилди. 16 яшар Таисия Онофрийчук бу дастурда ҳам тенгсиз бўлди (29.050). Украиналик яна бир спортчи Полина Карина эса 27.900 очко билан бронза медалини қўлга киритди.
Ҳавола :
Манба : Uzb_Gymnastics
Фикрлар