Тайсон Фьюри "эски таниши" Уайлдер ҳақида фикр билдирди

Уайлдернинг ўзи Фьюрига қарши учинчи жангда мағлуб бўлганидан сўнг боксни тарк этиши мумкинлиги ҳақида айтган эди. Аммо, кейинчалик тўхташ ниятида эмаслигини маълум қилди.

"Уайлдер жуда хавфли жангчи. Ўйлайманки, агар у истаса, ҳар қандай рақибни нокаутга учрата олади. У руҳий ва жисмоний тарафлама ҳалок бўлган. Мен уни аянчли аҳволда деган бўлардим. Унинг жағи ва бош суяги синган. Сўнгги икки жангда у нокаутга учраган. Унинг учун қайтиш осон бўлмайди.

Мен унинг фаолияти давом этишини истамасдим. Унга пул керак эмаслигини биламан. Унинг боксдан кетишини маъқул кўраман. Сабаби, Уайлдер яна ғалаба қозонишига ишончим комил эмас. У ўз даврининг энг зўр жангчисига ютқазган ва бунинг уяладиган жойи йўқ. Агар у қайтиб келиб полни артишни бошласа, бу шармандали бўлади", - деди Фьюри.