03 май 09:41
Янгиликлар
Бокс/ММА
Тайсон Фьюри: Жошуа билан Тимбуктуда ҳам жанг қилишга тайёрман!
Супероғир вазнда WBC чемпиони Тайсон Фьюри қолган учта йўналиш чемпиони Энтони Жошуа билан Африкада жанг қилишга ҳам тайёр.
Британиялик жаҳон чемпиони яхши таклиф қилинган пул учун Африка қитъасининг Мали давлати Нигер дарёси бўйидаги Тимбукту шаҳрида бўлса ҳам жанг ўтказмоқчи.
Жошуа ва Фьюри ўртасидаги ушбу баҳс бирлаштирувчи чемпионлик жанги мақомида бўлади.
"Жошуа билан жанг? Яхши пул таклиф қилишса, Тимбуктуда бўлса ҳам рингга чиқишга тайёрман. Чемоданим ҳар доим тайёр туради. Исталган жойга кетавераман", - деди Фьюри ESPN каналига берган интервьюсида.
Аввалроқ, Америка матбуотида ушбу жангнинг Саудия Арабистонида ўтказилиши ҳақида хабар берилган эди.
Ҳавола :
Фикрлар