Тайсон Фьюри: "Мен бу жангда ютқазмадим"

Турнирнинг марказий жанги супероғир вазн тоифасида эндиликда собиқ WBC чемпиони, британиялик Тайсон Фьюри ҳамда қолган барча камарлар соҳиби, украиналик Александр Усик ўртасида ўтказилди. Мутлақ жаҳон чемпионлиги учун 12 раунд тўлиқ давом этган жангда Усик ҳакамларнинг айри (115-112, 114-113,113-114) қарори билан ғалаба қозонди. Ҳакамлардан икки нафари Усик, бири Фьюри ғалаба қозонганини қайд этди. 

Жангдан кейин ўтказилган матбуот анжуманида фаолиятидаги биринчи мағлубиятини қабул қилиб олган Фьюри ўз фикларини билдирар экан, бу оқшом ютқазмаганини таъкидлади.

"Ишончим комил, бу жангда мен ғалаба қозондим. Усикнинг юртида уруш бўляпти. Табиийки, одамлар уни қўллаб-қувватлаш учун ҳам унга ён босишади. Ғалабани Усикка беришганини асосий сабаби ҳам шу. Лекин биз октябрь реваншда яна кўришамиз", - деди Фьюри.