12 июн 19:44
Янгиликлар

Бокс/ММА

Тайсон Фьюри: Шварц мени мағлуб этса, мультимиллионерга айланади

Супероғир вазн тоифасида собиқ жаҳон чемпиони Тайсон Фьюри германиялик Том Шварцга қарши ўтказадиган жанги ҳақида фикр билдирди.

Шварцга қарши жанг 15 июнь куни АҚШнинг Невада штати Лас-Вегас шаҳрида бўлиб ўтади.

"Рақибни менсимаслик яхши оқибатларга олиб келмайди. Фикримга Жошуанинг нокаутга учрагани яққол мисол бўла олади. Супероғир вазн тоифасида ҳар қандай кутилмаган натижа рўй бериши мумкин.

Кейин Шварц ҳам бу жанг натижаси унинг ҳаётини буткул ўзгартириб юборишини билиб турибди. Агар у мени мағлуб эта олса, бир кечада мультимиллионерга айланади. Томнинг исм-шарифи ҳамда сурати барча газета ва журналларни безайди, ТВ каналлар тинмай унинг ғалабасини кўрсатишади", - деди Фьюри BoxingScene сайтига берган интервьюсида.