Тайсон Фьюри: "Уэмбли" стадионида чипталарни бир неча соат ичида сотилиши — ҳайратланарли иш бўлди"

"Охирги бир неча йил давомида кўрсатилган қўллаб-қувватлашлар мени ҳайратда қолдирди. Улар катта жанг билан мукофотланишга лойиқ.

Жангга оз вақт қолди. Ишончим комил, барча мухлислар буни интиқлик билан кутмоқда. Биз уюштирадиган акциядан мухлислар хурсанд бўлишади. Чипта сотиб олган ва кечани ўтказишга имкон берган барчага катта раҳмат айтаман. Ишонинг, мухлисларсиз ҳеч қандай жанг бўлмайди!

"Уэмбли" стадионида чипталарни бир неча соат ичида сотиш — мен учун ақлдан бовар қилмас иш эди. Бу нафақат оилам учун, балки барча томошабинларга ўз муҳаббатимни кўрсатиш онларидир. 

Одамлар доим ақлли ҳужумларнинг устаси эканимни айтишган. Лекин, мен айтарли ҳеч нарса қилмайман. Айтмоқчиманки, гоҳида бу бир тўда ахлатнинг ўзи, гоҳида эса яхши. Аммо, кўплаб жангчилар ўйлашадики, уларнинг фикрини ўқийман. Аммо, унутманг — мен профессор Х эмасман, шунчаки боксчиман. Ва қандай қилиб бировнинг миясига киришим мумкин?

Диллиан Уайтнинг матбуот анжуманида қатнашмагани унинг бошига суқилиб кирганимни кўрсатди. У мени тўхтатаман деб ўйлаган. Биламан, у мен ҳақимда кўп ўйлайди", — деди Фьюри.

Эслатиб ўтамиз, Фьюри — Уайт жанги 23 апрель куни Лондондаги "Уэмбли" стадионида бўлиб ўтади.