04 дек 09:29
Янгиликлар

Бокс/ММА

Тайсон Фьюри ва Александр Усик кўз уриштиришди + ФОТО

Супероғир вазнда WBC чемпиони Тайсон Фьюри ҳамда WBA Super, WBO, IBO ва IBF йўналишлари чемпиони Александр Усик Лондонда юзма-юз келишди.

Кеча оқшом Тайсон Фьюри ҳамюрти Дерек Чисорани 10-раундда техник нокаутга учратган эди. Усик ва Фьюрининг ўзаро кўз уриштириш маросими айнан кечаги жанг якунланганидан сўнг бўлиб ўтган. Тайсон Усикни рингга чорлаган.

Маълумот учун, кеча Фьюри фаолиятидаги 34-жангини ўтказиб, 33-ғалабасини тантана қилди. Яна битта жангида дуранг натижа қайд этилганди. Дерек эса 45-жангида 13-мағлубиятини қабул қилиб олди. Агар Усик билан жанги амалга ошмай қолса, Фьюри Жо Жойсга қарши рингга кўтарилади.