Тайсон Фьюрининг навбатдаги рақиби Энди Руис бўлиши мумкин

"Агар биз Диллиан Уайт билан келиша олмасак, бошқа рақиб топамиз. Биз Тайсонни март ойи охиригача рингга чиқаришимиз керак.

Энди Руис - бу, мавжуд вариантлардан бири. Жозеф Паркер, кўрганимиздек у Дерек Чисора устидан чиройли ғалабага эришди. У ҳам вариантлардан бири. Биз яна мос жангчиларни излашда давом этамиз",  - деди Арум "Boxing Scene"га берган интервьюсида.

Боб Арум - "Top Rank Promotions" промоутерлик компанияси асосчиси. У Халқаро бокс шон-шараф зали ва Бутунжаҳон бокс шон-шараф залидан ўрин олган. Унинг компанияси ташкил этадиган жангларни "HBO", "Showtime", "NBC", "ESPN" каби телеканаллар трансляция қилади.