12 авг 11:04
Янгиликлар

Бокс/ММА

Тайсон - Жонс жангининг янги постери ҳамда оқшомнинг андеркард жанги эълон қилинди

Бокс афсоналари Майк Тайсон ва Рой Жонс ўртасидаги жангнинг сентябрь ойидан 28 ноябрга кўчирилгани ҳақида хабар берган эдик.

Ташкилотчилар Калифорнияда ўтадиган бокс оқшомининг янги постери ҳамда андеркард жангда кимлар рингга кўтарилишини маълум қилишди. Унда икки вазн тоифасида собиқ жаҳон чемпиони, швециялик Баду Жек (22-3-3, 13 КО) Блэй Маккернан (13-0, 6 КО) билан тўқнаш келади.

Бу Баду Жек учун 2020 йилдаги илк жанг бўлади. У сўнгги бор 2019 йилнинг декабрь ойида рингда кўриниш берган ва ўшанда ярим оғир вазнда собиқ жаҳон чемпиони Жан Паскалга имкониятни бой берганди. Ундан аввал эса Маркус Браунга ютқазган, Адонис Стивенсон билан дуранг қайд этганди. Жек сўнгги бор 2017 йилда Нэйтан Клеверлини нокаут эвазига таслим этган эди.

Шунингдек, Майк Тайсон ва Рой Жонс бокс кечасида Видал - Рашад, Жек - Нэйт жуфтликлари ҳам рингга кўтарилади.