Тбилисидаги йиғин доирасида дзюдочиларимиз машҳур Боржомига боришди ФОТОГАЛЕРЕЯ

Мазкур йиғинда асосий таркиб билан бирга мамлакат ёшлар терма жамоаси аъзолари Акром Бўронов ва Музаффар Тўрабоевлар ҳам иштирок этяпти. Ўзбекистон ва Грузия дзюдо федерациялари ўртасидаги ҳамкорлик доирасида ташкил этилаётган ушбу қўшма йиғин Тбилисидаги дзюдо академиясида бўлиб ўтмоқда.

Терма жамоамиз аъзолари фақат машғулот билан чекланиб қолишмаяпти. Дзюдочиларимиз дунёга машҳур Боржоми сиҳатгоҳида ҳам бўлишди. У ернинг шифобахш сувига ортиқча таъриф бериш шарт бўлмаса керак.     

Эслатиб ўтамиз, Тбилиси йиғини 22-24 ноябрь кунлари Япониянинг Осака шаҳрида ўтказиладиган “Катта Дубулға” туркумига кирувчи нуфузли турнирга тайёргарлик вазифасини ўтаб беради. Терма жамоамиз 16 ноябрь куни Грузиядан юртимизга қайтиб келади ва режа бўйича 20 ноябрда Осакага жўнаб кетади.