"Team Tutberidze"нинг Олимпиада чемпионлари ва совриндорлари иштирокида "Ҳумо Арена"да катта шоу ташкил этади

Бундай кўламдаги шоу Ўзбекистонда илк бор ўтказилади. Фигурали учиш бўйича дунёдаги энг кучли мураббийлардан бири Этери Тутберидзе томонидан ноёб лойиҳа тақдим этилмоқда.

Шоу иштирокчилари нафақат Россия терма жамоасининг, балки дунёнинг энг номдор фигурали учувчиларидир. Олимпиада ва жаҳон чемпиони Алина Загитова, жаҳон ва Европа чемпиони, Олимпия ўйинлари кумуш медаль соҳибаси Евгения Медведева, икки карра жаҳон чемпиони, Олимпиада чемпиони Анна Шербакова, Олимпиада чемпиони Камила Валиева, Олимпия ўйинлари кумуш медал соҳибаси Александра Трусова ва Олимпия ўйинлари кумуш медал соҳиблари Евгения Тарасова/ Владимир Марозов жуфтлиги Тошкентдаги шоу дастурида чиқиш қилади.  

«Муздаги чемпионлар» шоуси - бу сайёрадаги энг номдор фигурали учувчиларнинг энг кам ташкил этиладиган машҳур шоуси. Шоу дастури шу кунга қадар 3 та шаҳарда: 9 апрель куни Минскда, 13 апрелда Москвада, 20 апрелда Красноярск шаҳарларида ташкил этилди.