20 фев 17:15
Янгиликлар

Дзюдо

Тель-Авив "Катта Дубулға" турнирини 1 та олтин, 2 та бронза медали билан якунладик

Теглар : Шарофиддин Болтабоев Муҳриддин Тиловов

Исроилнинг Тель-Авив шаҳрида дзюдо бўйича “Катта Дубулға” турнирининг сўнгги куни давом этаётган бўлса-да, мусобақа биз учун якунига етиб улгурди.

Ҳозиргина бугунги баҳслардаги сўнгги умидимиз бўлган Алишер Юсупов ҳам мағлубиятга учради. Бронза медали йўлидаги ўтиш беллашувида татамига чиққан +100 кг вазн тоифасидаги дзюдочимиз беларуслик Александр Вахавякка ютқазиб, 7-ўрин билан кифояланди. Катта танаффусдан сўнг сафга қайтган Алишер Исроилдаги турнирдан 260 рейтинг очкоси ишлаб олди.

Шу тариқа, Ўзбекистон терма жамоаси Тель-Авив "Катта Дубулға" турнирини 1 та олтин ва 2 та бронза медали билан якунлади. Шарофиддин Болтабоев олтин, Сардор Нуриллаев ҳамда Муҳриддин Тиловов бронза медалига сазовор бўлишди. Шунингдек, улар мос равишда 1000 ҳамда 500 рейтинг очкосини ўз ҳисобларига қўшиб қўйишди.