20 апр 10:53
Янгиликлар
Бокс/ММА
Темиров рақиби йиқилганидан сўнг берилган зарба бўйича изоҳ берди
Аралаш яккакураш устамиз Азизбек Темиров кечаги ҳолат бўйича мухлисларидан узр сўради.
Оctagon 57 турнирида Азизбек Темиров қозоғистонлик Канатбек Муратни биринчи раунддаёқ нокаутга учратганди. Азизбекнинг рақиби йиқилганидан сўнг берган зарбаси кўплаб муҳокамаларга сабаб бўлди.
Ҳамюртимиз ушбу вазият бўйича изоҳ берди:
"Қўллаб-қувватлаган ҳаммага раҳмат. Жангда рақибимга йўлланган иккинчи зарбам ортиқчалигини биламан. Эмоцияда уриб қўйганман, ҳар қандай жангчи ураман деб октагонга чиқади. Рефлекс, ўзим билмаган ҳолда уриб қўйдим. Бу вазиятни фақат жангчилар тушунади. Ҳаммадан узр сўрайман, биламан - чиройли иш қилмадим. Тўғри тушунасиз деган умиддаман. Ғалаба ҳам, мағлубият ҳам Аллоҳдан", - деди, Темиров.
Ҳавола :
Манба : olamsport.com
Фикрлар