Темиров Япониянинг RIZIN Лигаси билан шартнома имзолади, илк жанг қачон бўлиши маълум (ФОТО)

Ўзбекистонлик аралаш яккакураш устаси Азизбек Темиров эндиликда Япониянинг RIZIN Лигасида жанг қилади. Бу ҳақда унинг мураббийи Жасур Алижонов хабар берди. 

Маълум бўлишича, спортчи RIZIN билан 3 та жанг учун шартнома имзолаган. Келишув бўйича илк жанг 12 апрель куни Японияда бўлиб ўтади.

Азизбек Темиров ҳозирга қадар 7 та жангда қатнашиб, 5 та ғалаба ва 2 та мағлубият қайд этган. У UFC жангчиси Рамазон Темировнинг укаси ҳисобланади. Рамазон ҳам UFC'га ўтишидан аввал RIZIN'да фаолият олиб борган эди.