Темировнинг Тошкентда ким билан жанг қилиши маълум бўлди

Мусобақа доирасида UFC жангчиси Рамазон Темировнинг укаси Азизбекнинг ҳам октагонга чиқиши айтилганди.

Лига матбуот хизматининг маълум қилишича, Азизбек Темиров Octagon 79 турнирида Қирғиз Республикаси вакили Ирисбек Тиленов билан тўқнаш келади.

Ёдингизда бўлса, Азизбек АҚШнинг LFA Лигаси билан шартнома имзолаган ва март ойида ушбу ташкилот мусобақасида жанг қилиб, мағлубиятга учраган эди. Унинг ҳисобида жами 5 та ғалаба ва 1 та мағлубият бор. Тиленов эса шу кунгача 7 та жанг ўтказиб, 6 ғалаба ва 1 та мағлубият қайд этган.

Маълумот ўрнида, Octagon 79 турнирининг марказий баҳси ҳамюртимиз Амирхон Алихўжаев ва қозоғистонлик Саят Абдуали ўртасида кечади. Жанг енгил вазн тоифасидаги вакант чемпионлик камари учун ўтказилади.