17 май 16:14
Янгиликлар

Теннис

Теннис оламидаги нуфузли тадбир 2021 йилга қолдирилди

Бутун дунёга жиддий хавф солаётган коронавирус пандемияси сабаб бекор бўлаётган мусобақа ҳамда тадбирлар сони ортиб боряпти.

Жумладан, ҳар йили анъанавий тарзда ўтказиб келинаётган Теннис Шон-шуҳрали Залига қабул маросими ҳам 2021 йилга қолдирилди. ATP ушбу тадбирни июль ойида АҚШнинг Ньюпорт шаҳрида ўтказишни режалаштирганди.

Маросимнинг июль ойида айнан Ньюпортдаги ATP турнири доирасида ўтказилиши белгиланганди. Кеча барча даражадаги турнирлар 31 июлгача бекор қилинганди. Режа бўйича Шон-шуҳрат Залига Горан Иванишевич ва Кончита Мартинес қабул қилиниши керак эди.