11 июл 15:25
Янгиликлар
Теннис
![](/upload/storage/305094_220.jpg)
Теннисчи қизларимиз Малайзияда "Билли Жин Кинг" кубогида қатнашади
15-20 июль кунлари Малайзиянинг Куала-Лумпур шаҳрида теннис бўйича аёллар терма жамоалари ўртасида "Билли Жин Кинг" кубоги, Осиё-Океания II гуруҳи беллашувлари бўлиб ўтади.
Унда гуруҳнинг 11 та терма жамоаси баҳс олиб боради.
Беллашувларда Ўзбекистон, Малайзия, Индонезия, Ҳонг-Конг, Покистон, Сингапур, Шри-Ланка, Таиланд, Мўғулистон, Эрон ҳамда Қирғизистон аёллар терма жамоалари қатнашади.
Мусобақада энг яхши натижани қайд этган иккита терма I гуруҳга йўл олади.
Эслатиб ўтамиз, ўтган йили Тошкент шаҳрида бўлиб ўтган Осиё-Океания I гуруҳ баҳсларида мезбон Ўзбекистон ҳамда Таиланд термалари сўнгги икки ўринни банд этгани сабабли II гуруҳга тушиб кетган эди.
Ҳозирча Ўзбекистон теннис федерацияси мусобақада иштирок этадиган спортчиларимиз номини ошкор қилмади.
Ҳавола :
Манба : olamsport.com
Фикрлар