Теннисчиларимиз "Дэвис Кубоги"даги иштирокини бошлашди. Натижа кўнгилдагидек эмас!

Гуруҳ босқичининг илк учрашувида терма жамоамиз Сингапур устидан 2:1 ҳисобида ғалаба қозонди.

Яккалик баҳсларида Сергей Фомин Билл Чанни 6:4, 7:6(5) ҳисобида мағлуб этди. Амир Милушев эса Жейдон Дивандакага 6:7(3), 0:6 ҳисобида имкониятни бой берди.

Жуфтлик баҳсида Дамир Абдусамадов ва Сергей Фомин Билл Чан ҳамда Максимус Хавьер Вoнг жуфтлигини 7:5, 3:6, 6:2 ҳисобида мағлуб этиб, Ўзбекистон терма жамоасига муҳим ғалабани тақдим этди.

Кеча бўлиб ўтган иккинчи қарама-қаршиликда эса Филиппин теннисчиларига имконият бой берилди — 1:2. Бу сафар ҳам Фомин ўз ўйинида ғолиб бўлди. У Альберто Лим устидан 6:4, 6:2 ҳисобида зафар қучди.

Амир Милушев Эрик Оливаресга 3:6, 2:6 ҳисобида мағлуб бўлган бўлса, Дамир Абдусамадов/Абдулазиз Усмонжонов жуфтлиги Фрэнсис Алькантара ва Рубен Гонсалес олдида ожиз қолди — 6:7, 4:6.

Афсуски, ушбу муҳим мусобақада Ўзбекистоннинг иккинчи ҳамда учинчи ракеткалари - тажрибали Ҳумоюн Султонов ва Никита Белозерцев иштирок этмаяпти. Украинадан маҳаллийлаштирилган Никита "Фьючерс" туркумига кирувчи турнирда қатнашяпти. Султонов эса бу ҳафта ҳеч бир турнирга "заявка" қилинмаган. 

Олдинда терма жамоамизни Иорданияга қарши ўйин кутмоқда.