06 дек 18:18
Янгиликлар

Теннис

Теннисчиларимиз Туркиядаги мусобақанинг бош совринига эга чиқишди

Туркиянинг Анталья шаҳрида эркаклар ўртасида ITF туркумига кирувчи мусобақа ниҳоясига етди.

Қувонарлиси, турнирнинг жуфтлик баҳсларида ўзбекистонлик теннисчилар - Санжар Файзиев ва Сергей Фомин чемпионликни қўлга киритишди.

Бироз аввал ниҳоясига етган финалида теннисчиларимиз мезбон - Умут Аккоюн/Начи Туркер тандемига қарши ўйин ўтказишди. Уч сет якунига кўра теннисчиларимиз 7:6, 3:6, 10:7 ҳисобларида ғалаба қозонишди ва мусобақанинг жуфтликлар ўртасидаги баҳсларида бош совринга эга чиқишди.