Теннисчиларимиздан бири янгиланган WTA рейтингида 165, иккинчи ракеткамиз эса 25 поғонага кўтарилди

Янгиланган рейтингда теннисчиларимизнинг деярли барча юқорилашга муваффақ бўлган. Фақат тўртинчи ракеткамиз Лайма Владсон бир, Диана Яковлева икки ўринга пастлаган. Қолган теннис маликаларимиз ўтган ҳафта билан таққослаганда рейтингдаги ўз ўринларини яхшилаб олишди. Биринчи рақамли теннисчимиз Камилла Раҳимова 11, иккинчи ракеткамиз Мария Тимофеева 25, учинчи рақамли Полина Кудерметова 2 поғонага кўтарилди.

Мария Тимофеева Хорватия турниридаги чемпионлиги ортидан 125 очкога эга бўлди ва Топ-100`таликка кириб олди. Бешинчи ракеткамиз Севиль Юлдашева бирйўла 165 ўринга кўтарилишга муваффақ бўлди. Милана Масленкова 4, Влада Якшибарова 3 поғонага кўтарилган. 

Дунё теннисчиларининг Топ-10`талигида ҳам бир нечта ўзгариш кузатилди. Россиялик Мирра Андреева 8-поғонадан 6-ўринга, америкалик Жессика Пегула 5-поғонадан 4-ўринга юқорилади. Америкалик Коко Гофф аксинча уч поғонага пастлади. Украиналик Элина Свитолина ҳам бир ўринга тушди. Беларуслик Арина Соболенко ҳамон рейтинг пешқадами бўлиб турибди. Қозоғистонлик Елена Рибакина иккинчи ўринни банд этган бўлса, польшалик Ига Свёнтек кучли учликка якун ясаган. 

WTA рейтинги. 8 июнь кунги ҳолат:

1. (1) Арина Соболенко (Беларусь) - 9090 очков.

2. (2) Елена Рибакина (Қозоғистон) - 8143.

3. (3) Ига Свёнтек (Польша) - 6733.

4. (5) Жессика Пегула (АҚШ) - 6056.

5. (6) Аманда Анисимова (АҚШ) - 5848.

6. (8) Мирра Андреева (Россия) - 5751.

7. (4) Коко Гофф (АҚШ) - 4879.

8. (7) Элина Свитолина (Украина) - 4315.

9. (9) Виктория Мбоко (Канада) - 3670.

10. (10) Каролина Мухова (Чехия) - 3438…

Ўзбекистонлик теннисчиларнинг WTA рейтингидаги ўрни:

78 (89). Камилла Раҳимова – 920

93 (118). Мария Тимофеева – 810

121 (123). Полина Кудерметова – 668

762 (761). Лайма Владсон – 49

964 (1129). Севиль Юлдашева – 23

1117 (1113). Милана Масленкова – 14 

1173 (1176). Влада Якшибарова – 12  

1500 (1498). Диана Яковлева – 3