Теренс Кроуфорд Исроил Мадримов билан жангни эслади

Америкалик 37 яшар боксчи собиқ UFC чемпионлари Генри Сехудо ва Камару Усманнинг YouTube'даги подкасти меҳмони бўлиб, қуйидаги саволга жавоб берди.

- Жангни томоша қилдим. Мухлислар фикрича, бу яқин жанг бўлган экан. Лекин менимча, сен камида 4 раунд фарқи билан ғалаба қозондинг. Ўйлашимча, сени ютқазди деяётганлар, шунчаки сени ёқтиришмайди. Фикримча, сен яққол ғолиб бўлдинг. Канело ҳам сенинг бу вазнга мос эмаслигинингни айтди. Бунга қандай муносабат билдирасан?

"Ҳа, ғалаба қозонганим бу факт. Бу Канелонинг фикри. Исроилнинг жанг вақтида эҳтиёткор бўлганини сабаби бор. Агар жангни кўрган бўлсангиз, у ҳақиқий зарбалардан кўра, алдовчи зарбаларни кўпроқ амалга оширди. Мен зарба берган заҳоти ё мени ушлаб оларди ёки қочар эди. Агар у мендан гавда жиҳатидан катта бўлса, яққол устунлик қилиши керак эди. Мени "босиб ташлаши" керак эди", деди Кроуфорд.