Теренс Кроуфорд қурол сабаб жаримага тортилди

Америкалик боксчи автомобилни эҳтиётсиз ҳайдагани учун суд харажатларини қоплаш билан кичик миқдорда жаримага тортилди.

Воқеа ўтган йилнинг 28 сентябрь куни Кроуфорд шарафига унинг туғилган шаҳри Омаҳада ўтказилган тантанали параддан сўнг содир бўлган. Полиция Кроуфорд ва унинг уч нафар йўловчиси, жумладан, хавфсизлик хизмати раҳбари бўлган машинани эҳтиётсизлик билан ҳайдагани учун тўхтатди.

Кроуфорд ва унинг хавфсизлик хизмати бошлиғи полициячиларга рўйхатдан ўтган қуролга эга эканликларини маълум қилишди. Аммо кейин полиция ходимлари машина полида қуролларни кўриб қолишди ва ҳаммадан машинадан чиқишни талаб қилиб, қўлларига кишан солишди. Текширувдан сўнг улар қўйиб юборилди, Кроуфордга эса судга чақирув қоғози берилди.

Декабрь ойида уч нафар йўловчи Омаҳа полициясига қарши федерал судга даъво аризаси билан мурожаат қилиб, уларни ваколатларини суиистеъмол қилишда айблади. Бу даъвонинг тақдири номаълум. Кроуфорд эса эҳтиётсизликда айбдор деб топилиб, 75 доллар миқдорида жаримага тортилди. Шунингдек, у суд харажатларининг 49 долларини қоплаши керак.