28 май 11:22
Янгиликлар

Бокс/ММА

Теренс Кроуфорд Шакур Стивенсон билан спарринг ўтказди + ФОТО

Мағлубият нималигини билмай келаётган америкалик боксчи Теренс Кроуфорд навбатдаги жангига тайёргарликни давом эттирмоқда.

Хабарингиз бор, у 3 август куни Лос-Анжелесда бўлиб ўтадиган бокс оқшоми доирасида суперярим ўрта вазнда WBA чемпиони Исроил Мадримовга қарши рингга чиқади.

Жангга қарийб икки ой қолган бир пайтда Кроуфорд тайёргарликни янада кучайтирди. У ҳамюрти Шакур Стивенсон ҳамроҳлигида бўлажак жангга тайёргарлик кўрмоқда. Жумладан, спарринг-шерик сифатида ҳам айнан Стивенсон Кроуфордга ёрдам бермоқда.

Аввалроқ, Исроил Мадримов жангга тайёргарликнинг сўнгги босқичини ўтказиш мақсадида АҚШга етиб боргани ҳақида хабар берган эдик.