Теренс Кроуфорд янги вазнга ўтишни сабрсизлик билан кутмоқда

"Мен жуда ҳаяжондаман. Яна рингга чиқиб, тарих яратишни сабрсизлик билан кутяпман. Танам катталашмоқда ва ўзим ҳам қарияпман. Яримўрта вазнда қолиш қийин. Тепага қараб ҳаракат қилиш керак.

Биринчи ўртас вазн тоифасида мен учун энг қийини нима бўлишини билмайман. Танам буни қандай ҳис қилишидан хам хабарим йўқ, аммо буни сабрсизлик билан кутяпман", - деди Теренс Кроуфорд.

Эслатиб ўтамиз, 4 август куни Исроил Мадримов ва Теренс Кроуфорд ўртасида бўладиган тўқнашув ҳамюртимиз жанг қиладиган биринчи ўрта вазн тоифасида ўтказилади. Бунгача Кроуфорд ўз жангларини битта паст вазнда - яримўрта вазн тоифасида ўтказаётганди.