24 апр 07:53
Янгиликлар
Футбол
Терма жамоа ЖЧда иштирок этишга тайёр — Эрон ҳукумати матбуот котиби
Эрон ҳукумати вакили Фотима Муҳожирони миллий терма жамоа ЖЧ-2026 турнирида қатнашишга тайёрлигини маълум қилди.
"Спорт ва ёшлар вазирлиги миллий футбол терма жамоамизнинг вазирнинг кўрсатмаси билан АҚШда бўлиб ўтадиган ЖЧ-2026'да иштирок этишга тўлиқ тайёрлигини эълон қилди", – деди Муҳожирони давлат телевидениесига.
Аввалроқ гўё Эрон АҚШ ва Исроил билан можаро туфайли мундиалдан чиқиб кетиш вариантини ўрганаётгани ҳақида хабарлар тарқалганди.
21 апрель куни Эрон спорт вазири Аҳмад Донямали миллий терма жамоа турнирда иштирок этиши учун маълум шартлар борлигини айтган эди.
Маълумот учун, Эрон гуруҳ босқичида Бельгия, Миср ва Янги Зеландия билан ўйнаши режалаштирилган. Барча учрашувлар АҚШ ҳудудида ўтказилади.
Ҳавола :
Фикрлар