30 ноя 04:41
Янгиликлар

Дзюдо

Терма жамоамиз Абу-Даби “Катта Дубулға” турниридан қайтиб келди + ФОТО

Уч кун давомида БАА пойтахти Абу-Даби шаҳри дзюдо бўйича “Катта Дубулға” туркумига кирувчи мусобақага мезбонлик қилди.

Муросасиз беллашувлар якунига кўра Илиас Илиадис бошчилигидаги Ўзбекистон терма жамоаси 1 та кумуш ва 1 та бронза медали билан умумжамоа ҳисобида 13-ўринни эгаллади. Россия терма жамоаси 2 та олтин, 4 та кумуш, 2 та бронза медали билан биринчи бўлди. Кучли учликка Буюк Британия ва Мўғулистон терма жамоалари якун ясади.

Эслатиб ўтамиз, Ҳикматуллоҳ Тўраев (-73 кг) терма жамаомизга мусобақанинг кумуш, Токио Олимпиадасининг бронза медали совриндори Давлат Бобонов (-90 кг) бронза медалини тақдим этганди. 2019 йилги Абу-Даби "Катта Дубулға" турнирида Ҳикматуллоҳ Тўраев ва Диёрбек Ўразбоев бронза медалларини қўлга киритишган эди.