26 мар 14:10
Янгиликлар

Дзюдо

Терма жамоамиз аъзолари уйларига қайтишди + ФОТО

Хабарингиз бор, кечадан расман олимпия спорт турлари бўйича Ўзбекистон миллий терма жамоалари учун ташкил этилаётган барча ўқув-машғулот йиғинлари вақтинча тўхтатилди.

Ўзбекистон Жисмоний тарбия ва спорт вазирлиги ҳамда Миллий олимпия қўмитаси қўшма Қарорининг қабул қилинишига Халқаро олимпия қўмитаси томонидан Токио-2020 Олимпиадасини 2021 йилда ўтказиш бўйича якуний қарорга келгани сабаб бўлганди.

Шундан келиб чиқиб, Тошкент вилоятининг тоғли ҳудудида жойлашган "Ҳумсон" соғломлаштириш мажмуасида ўқув-машғулот йиғинини ўтказаётган дзюдо бўйича Ўзбекистон катталар терма жамоасининг машғулоти муддатидан аввал якунланди.

Терма жамоамиз аъзолари ўз уйларига қайтишди. Энди ҳамма ўз уйида индивидуал тарзда машғулотларни давом эттиради. Ўзбекистон дзюдо федерацияси, мураббийлар штаби бу жараённи кузатиб боради ҳамда назорат қилади.