30 ноя 18:18
Янгиликлар

Дзюдо

Терма жамоамиз дзюдо ватанида ўқув-машғулот йиғини ўтказади

3-4 декабрь кунлари Япония пойтахти Токио шаҳрида "Катта Дубулға" туркумига кирувчи навбатдаги турнир бўлиб ўтади.

Ушбу нуфузли мусобақада Ўзбекистон терма жамоаси иштирок этмайди. Лекин дзюдочиларимиз Илиас Илиадис бошчилигида Кунчиқар юртга боришади. Мураббийлар штаби қарорига кўра терма жамоамиз дзюдо ватанида турнир якунланганидан сўнг бошланадиган халқаро ўқув-машғулот йиғинида иштирок этади. Ушбу йиғин Токидаги турнирда қатнашадиган дзюдочилар иштирокида бўлиб ўтади.

Терма жамоамиз делегацияси 4 декабрь куни дзюдо ватанига жўнаб кетади ва 16 декабрга қадар халқаро ўқув-машғулот йиғинида иштирок этади.

Токиога йўл оладиган таркиб

Аёллар: Диёра Келдиёрова, Сита Кадамбоева, Шукуржон Аминова, Гулноза Матниязова, Ирисхон Қурбонбоева, Шоҳиста Назарова.

Эркаклар: Дилшодбек Баратов, Сардор Нуриллаев, Шаҳрам Аҳадов, Обидхон Номонов, Муроджон Йўлдошев, Шарофиддин Болтабоев, Давлат Бобонов, Музаффарбек Тўрабоев, Отабек Тўрабоев, Алишер Юсупов, Шоҳруҳ Бахтиёров.