Терма жамоамиз финалда Россияга қарши татамига чиқади

Ички ишлар ҳамда полиция ходимлари ўртасида ўтказиб келинаётган ушбу мусобақа ўз тарихида 17-маротаба ташкил этиляпти. "Мегаспорт" спорт мажмуаси мезбонлик қилаётган ушбу халқаро турнирда Ички ишлар вазирлиги тизимида фаолияти юритиб келаётган Ўзбекистон фахрийлар терма жамоаси юртимиз шарафини ҳимоя қилмоқда. 

Бироз аввал Жамшид Файзиев мураббийлигидаги дзюдочиларимиз жамоавий баҳсларда финалга йўл олишди. Олтин медаль учун кечадиган беллашувдаги рақибимиз Россия терма жамоаси бўлади. 

Терма жамоамиз таркиби: Баҳром Иноятов (-66 кг), Тимур Худайкулов, Умид Абдуллаев (-73 кг), Ғиёсжон Бобоев (-81 кг), Рустам Саидов, Фаррух Бобоев (-90 кг), Фахриддин Шарипов (-100 кг), Дилшод Чориев, Ҳамид Отажонов (+100 кг).