Терма жамоамиз мавсумнинг илк мусобақасига жўнаб кетди + ФОТО

Йилнинг илк IJF мусобақасида дунёнинг 5 қитъаси 42 давлатидан жами 318 (188 эркак, 130 аёл) нафар дзюдочи иштирок этади. Ўзбекистон шарафини эса 11 нафар (7 эркак, 4 аёл) дзюдочимиз ҳимоя қилади. 

Афсуски, терма жамоамиз делегацияси белгиланган муддатдан кечроқ Португалияга етиб боради. Истанбулда қалин қор ёққанлиги сабабли терма жамоамиз делегацияси ўз вақтида мусобақага учиб кета олмади. Йилнинг илк турнирида қатнаша олмаслигимиз ҳам мумкин эди. Аммо, федерация раҳбариятининг саъй-ҳаракати билан қисқа муддатда чипталар ўзгартирилди. 

Бугун тонг саҳарда терма жамоамиз делегацияси Германиянинг Франкфурт шаҳри орқали Португалиянинг Алмадасига жўнаб кетди. Бугун турнирга қуръа ташлаш маросими ўтказилса, эртага бевосита енгил вазн тоифасидаги беллашувлар билан мусобақага старт берилади.      

Терма жамоамиз таркиби:

Аёллар

-48 кг: Халимажон Қурбонова

-48 кг: Гулнур Муратбаева 

-70 кг: Шоҳиста Назарова 

-78 кг: Ирисхон Қурбонбоева 

Эркаклар

-60 кг: Баҳром Ботуров

-60 кг: Мирзоҳид Маҳаммаджонов

-66 кг: Муҳриддин Тиловов

-73 кг: Муроджон Йўлдошев 

-81 кг: Рамазон Аллабердиев

-90 кг: Достон Мейлиев 

-100 кг: Ақлмуродбек Худойбердиев