17 сен 08:20
Янгиликлар

Стол тенниси

Терма жамоамиз Осиё чемпионатини ғалаба билан бошлади

Индонезиянинг Жакарта шаҳрида стол тенниси бўйича эркаклар ва аёллар ўртасида Осиё чемпионати давом этмоқда.

Мусобақада Саида Маҳмудова бошчилигидаги Ўзбекистон терма жамоаси ҳам муносиб иштирок этмоқда. Жамоавий баҳсларда мамлакатимиз шарафини Римма Гуфранова, Рўза Хожиева, Меҳринисо Норқулова, Регина Ким, Зоҳид Кенжаев, Жамшид Раҳимберганов, Қутбидилло Тешабоев, Станислав Тянь ва Георгий Цой каби спортчилар муносиб ҳимоя қилмоқда.

Қизлар ўртасидаги гуруҳ босқичида теннисчиларимиз Бангладеш термасини 3-0 ҳисобида енгган бўлса, Қозоғистон терма жамоасини 3-1 ҳисобида ютиб кучли 12 таликка кирди.

Эркаклар ўртасидаги беллашувларда вакилларимиз ироқлик тенгдошларини 3-0 ҳисобида таслим этишди. Гуруҳ босқичининг иккинчи учрашувини Қозоғистонга қарши ўтказган терма жамоамиз 3-2 ҳисобида зафар қучиб, ҳозирча кучли 14 жамоа сафидан жой олди.