10 апр 14:52
Янгиликлар

Дзюдо

Терма жамоамиз Термизда икки ҳафталик машғулот бошлайди + ФОТО

Юзага келган деярли икки ойлик танаффусдан унумли фойдаланиш мақсадида Ўзбекистон миллий терма жамоаси Сурхондарё вилоятида ўқув-машғулот йиғини ўтказади.

Бугун Илиас Илиадис бошчилигидаги дзюдочиларимиз мамлакатимизнинг энг жанубий ва иссиқ ҳудудига етиб боришди. Терма жамоамиз аъзоларини Термиз халқаро аэропортида Ўзбекистон дзюдо федерацияси раиси ўринбосари, вилоят дзюдоси раҳбари Бекзод Тўрабоев қарши олди.

Термиздаги "Алпомиш" спорт саройида ўтказиладиган икки ҳафталик ўқув-машғулот йиғини терма жамоамиз учун 3-5 июнь кунлари Грузиянинг Тбилиси шаҳрида ўтказиладиган "Катта Дубулға" турнирига тайёргарлик вазифасини ўтаб беради.