Терма жамоамизнинг машғулоти Кёльн шаҳрига кўчди

Хабарингиз бор, дзюдочиларимиз ўтган ҳафта Париж "Катта Дубулға" турнирида иштирок этиб, биттадан кумуш ва бронза медалини қўлга киритишган эди. Шундан сўнг терма жамоамиз айнан Париж шаҳрида қисқа муддатли ўқув-машғулот йиғинини ўтказди. 

Кеча эса делегациямиз Германиянинг Кёльн шаҳрига етиб келди ва шу куннинг ўзида олмон диёридаги илк машғулот ҳам ўтказилди. Кёльн шаҳри Дюсселдорфдан чамаси 40-50 километр узоқликда жойлашган. Терма жамоамиз 20 февраль куни автобусда Дюсселдорфга йў олади. 

Эслатиб ўтамиз, 21-23 февраль кунлари Германиянинг Дюсселдорф шаҳрида ҳисоб бўйича йилнинг иккинчи "Катта Дубулға" турнири бўлиб ўтади.