"Tesla" раҳбари Илон Маск Дариушга машина юборди + ФОТО

Бу ҳақда Дариушнинг менежери Али Абдел-Азиз маълум қилди. 

"Илон Маск Дариушга унинг буюртмаси тайёр бўлгунча, бепул машинани юборди. Илон - гангстер",- деб ёзди Абдел-Азиз ўзининг твиттерида ва матнга фотосурат илова қилди.

Эслатиб ўтамиз, Тони Фергюсон устидан қозонилган ғалабадан сўнг Дариуш октагондан тўғридан-тўғри Маскка юзланганди. 

“Рафиқамнинг машинаси қани, ака? Олти ой кутдим. Болам бор, менга яхши машина керак, унинг хавфсизлигини таъминлашим зарур. Илон, менга машинамни бер!", - деганди Дариуш.

Аввалроқ матбуот анжуманида жангчи нима учун Маскга мурожаат қилганини тушунтирди. 

“Мен машинага декабрь ойида буюртма берганман. Бу уларнинг энг хавфсиз машинаси, мен ҳомиладор аёлим учун танлай оладиган энг яхшиси. Мен ҳали ҳамон кутмоқдаман! Нима бўлди, ака? У март ойида етказиб берилиши керак эди ва ҳозир деярли июнь. Мен сизга ашаддий мухлисман, аммо бу шунчаки ҳурматсизликдир", - деди спортчи.